Онон хатан - гуламтаяа сахигша.

Онон хатан - гуламтаяа сахигша.
Түрүүшын нааданда хабаадааб. Ехэ удхатай, эхэ хүнэй уялга дэмжэн эмхидхэжэ байhан зондо баяртайб. Иимэ фестиваль боложо байхадань, уг изагуураа дамжуулха басагад, бэреэд хэзээшье элинсэг хулинсагhаа дамжан ерэhэн еhо заншалаа сахижа ябаха үүргэтэй болоно даа.

Хүсэд бэлдэжэ шадабагүйб, hуурида гарагүйб гэжэ өөрыгөө зэмэлжэ байтараа, hанабаб, басагадни баганууд, хоёртой ба гурба hаратайхан нялха хүүгэдтэй хабаадаха арга олоhондоо бэрхэлби даа гэжэ.
Бэлдэлгын үедэ шэнэ дуун мүндэлжэ, Онон хатан эжын hэеы гэр нээлгын үедэ, премьера болоо.

Үгэнь: Хишигто Жигзымаева
Хүгжэм: Мунко Цыденов

Онон хатан эжыдээ

Будалан Уулын хойморто
Баатар хадын энгэртэ
Онон хатан эжыгээ
Эрьен ерээд шэртэнэб

Онон хатан эжыдээ
Доро дохин үргэнэб!
Онон хатан эжыдээ
Дахин ерээд мүргэнэб!

Үеын үеhөө дамжаhан
Үе сагай эрилтээр
Түүхын хуудаhа ираhaaр
Түүрээн таанартаа тэгүүлнээб!

Онон хатан эжыдээ
Доро дохин хүндэлнэб!
Онон хатан эжыдээ
Дахин дахин мүргэнэб!

Бабжын наадан эрхилээд
Баатар хүбүүд иладаг даа
Онон эжы дангинын
Олон хатан элирэг даа!

Онон хатан эжыдээ
Доро дохин хүндэлнэб!
Онон хатан эжыдээ
Дахин дахин мүргэнэб!